ഭൗമരഹസ്യങ്ങൾ തേടി

ഭൂമിശാസ്ത്രം

(എട്ടാം സ്റ്റാൻഡാർഡിലെ ഭൗമ രഹസ്യങ്ങൾ തേടി എന്ന പാഠഭാഗത്തെ ആസ്പദമാക്കി തയ്യാറാക്കിയ ചോദ്യോത്തരങ്ങൾ)

 

1.    ഭൂമിയുടെ ഏറ്റവും പുറമെയുള്ള പാളി? ഭൂവൽക്കം (crust)

2.    ഭൂവൽക്കത്തിന്റെ രണ്ട് ഭാഗങ്ങൾ? വൻകരഭൂവൽക്കം, സമുദ്രഭൂവൽക്കം

3.    ഭൂവൽക്കത്തിന് താഴെയായി സ്ഥിതിചെയ്യുന്ന ഭാഗം? മാന്റിൽ

4.    മാന്റിലിന്റെ ർഅണ്ട് ഭാഗങ്ങൾ? ഉപരിമാന്റിൽ, അധോമാന്റിൽ

5.    ഭൂമിയുടെ കേന്ദ്രഭാഗം? അകക്കാമ്പ് (core)

6.    വൻകരഭൂവൽക്കം അറിയപ്പെടുന്നത്……..? സിയാൽ

7.    സമുദ്രതട ഭൂവൽക്കം അറിയപ്പെടുന്നത്…..? സിമ

8.    വൻകരഭൂവൽക്കത്തിൽ മുഖ്യമായും അടങ്ങിയിരിക്കുന്നത്…….? സിലിക്ക, അലൂമിനിയം (അതുകൊണ്ടാണ് സിയാൽ എന്നറിയപ്പെടുന്നത്)

9.    സമുദ്രഭൂവൽക്കത്തിൽ മുഖ്യമായും അടങ്ങിയിരിക്കുന്നത്……? സിലിക്ക, മഗ്നീഷ്യം (അതുകൊണ്ടാണ് സിമ എന്നറിയപ്പെടുന്നത്)

10.  സിലിക്കൺ സംയുക്തങ്ങൾ കൊണ്ട് നിർമ്മിതമായ ഉപരിമാന്റിൽ ഏതവസ്ഥയിലാണ്? ഖരാവസ്ഥയിൽ

11.  ഉപരിമാന്റിലിന്റെ തൊട്ടുതാഴെയുള്ള അധോ മാന്റിൽ ഏതവസ്ഥയിൽ ആണ്? അർദ്ധദ്രവാവസ്ഥയിൽ

12.  ഭൂവൽക്കവും മാന്റലിന്റെ ഖരരൂപത്തിലുള്ള ഉപരിഭാഗവും ചേർന്നതാണ്……..? സ്ഥലമണ്ഡലം (ലിഥോസ്ഫിയർ)

13.  ഉപരിമാന്റിലിന്റെ താഴെയായി കാണുന്ന അർദ്ധദ്രവാവസ്ഥയിലുള്ള ഭാഗം അറിയപ്പെടുന്നത്?   അസ്തനോസ്ഫിയർ

14.  ഭുമിയുടെ പുറക്കാമ്പിലെ പദാർത്ഥങ്ങൾ ഏതവസ്ഥയിലാണ്? ഉരുകിയ ദ്രാവക അവസ്ഥയിൽ

15.  ഭൂമിയുടെ കേന്ദ്രഭാഗത്ത് അനുഭവപ്പെടുന്ന ഉയർന്ന മർദ്ദം മൂലം അകക്കാമ്പ് ………അവസ്ഥയിലാണ്? ഖരാവസ്ഥയിൽ

16.  ഭൂമിയിൽ നിഫെ എന്നറിയപ്പെടുന്ന ഭാഗം? കാമ്പ്

17.  ഭൂമിയിൽ പ്രധാനമായും നിക്കൽ (Ni) ഇരുമ്പ് (Fe)  എന്നീധാതുക്കളാൽ നിർമ്മിതമായ ഭാഗം? കാമ്പ്

18.  പ്രാചീനകാലത്ത് ഭൂമുഖത്തുണ്ടായിരുന്ന ജീവജാലങ്ങളുടെ അവശിഷ്ടങ്ങൾ അറിയപ്പെടുന്നത്? ഫോസിലുകൾ (ജീവാശ്മങ്ങൾ)

19.  ഭൂവൽക്കത്തെയും മാന്റിലിന്റെ ഉപരിഭാഗത്തെയും ചേർത്ത് ……എന്ന് പറയുന്നു? ശിലാമണ്ഡലം (ലിഥോസ്ഫിയർ)

20.  ശിലാമണ്ഡലത്തിനു താഴെയായി ശിലാ പദാർത്ഥങ്ങൾ ഉരുകി അർദ്ധദ്രവാവസ്ഥയിൽ കാണപ്പെടുന്ന ഭാഗം? അസ്തനോസ്ഫിയർ

21.  അഗ്നിപർവ്വതങ്ങളിലൂടെ പുറത്തെത്തുന്ന ശിലാദ്രവത്തിന്റെ (ലാവ) സ്രോതസ്സ് ? അസ്തനോസ്ഫിയർ

22.  രണ്ടോ അതിലധികമോ ധാതുക്കളെ കൊണ്ട് നിർമ്മിതമായ വസ്തുക്കളാണ്………? ശിലകൾ

23.  രണ്ടോ അതിലധികമോ മൂലകങ്ങൾ കൊണ്ടുണ്ടാക്കപ്പെട്ടിട്ടുള്ള പദാർത്ഥങ്ങളാണ്…….? ധാതുക്കൾ

24.  ധാതുക്കളുടെ ഒരു സഞ്ചയമാണ്……? ശിലകൾ

25.  മൂലകങ്ങളുടെ ഒരു മിശ്രിതമാണ്…..? ധാതുക്കൾ

26.  ധാതുക്കൾക്ക് ഉദാഹരണങ്ങളാണ്……..? സിലിക്ക, അഭ്രം, ഹേമറ്റൈറ്റ്, ബോക്സൈറ്റ് (രണ്ടായിരത്തിലധികം ധാതുക്കൾ ഭൂമിയിലുണ്ട്)

27.  ഭൂവൽക്കത്തിലെ വിടവുകളുലൂടെ ഉയരുന്ന ശിലാദ്രവം ഭൗമോപരിതലത്തിൽ വച്ചോ ഭൂവൽക്കത്തിനുള്ളിൽ വച്ചോ തണുത്തുറഞ്ഞുണ്ടാകുന്ന ശിലയാണ്……..? ആഗ്നേയശില

28.  ആഗ്നേയശിലകൾക്ക് രണ്ട് ഉദാഹരണങ്ങൾ? ഗ്രാനൈറ്റ്, ബസാൾട്ട്

29.  മാതൃശില അഥവാ പ്രാഥമിക ശില എന്നറിയപ്പെടുന്നത്? ആഗ്നേയശില

30.  എല്ലാ ശിലകളും മാതൃശിലയായ…….ന് രൂപമാറ്റം സംഭവിച്ചുണ്ടാകുന്നതാണ്? ആഗ്നേയശിലകൾക്ക്

31.  കാലന്തരെ ശിലകൾ പൊടിഞ്ഞുണ്ടാകുന്ന അവസാദങ്ങൾ താഴ്ന്ന പ്രദേശങ്ങളിൽ പാളികളായി നിക്ഷേപിക്കപ്പെട്ടുണ്ടാകുന്ന ശിലകൾ? അവസാദ ശിലകൾ

32.  അവസാദശിലകൾക്ക് രണ്ട് ഉദാഹരണങ്ങൾ? മണൽക്കല്ല്, ചുണ്ണാമ്പ് കല്ല്

33.  പാളികളായി രൂപപ്പെടുന്നതുകൊണ്ട് അടുക്ക് ശിലകൾ എന്നറിയപ്പെടുന്നത്……ശിലകൾ ആണ്? അവസാദശിലകൾ

34.   ഉയർന്ന മർദ്ദമോ താപമോ മൂലം ശിലകൾക്ക് ഭൗതികമായോ രാസപരമായോ  മാറ്റം സംഭവിച്ചുണ്ടാകുന്ന ശിലകൾ? കായാന്തരിതശിലകൾ

35.  കായാന്തരിത ശിലകൾക്ക് രണ്ട് ഉദാഹരണങ്ങൾ? മാർബിൾ, സ്ലേറ്റ്

36.  കേരളത്തിൽ ഏറ്റവും കൂടുതലായി കാണപ്പെടുന്ന ശിലകൾ? കായാന്തരിതശിലകൾ

37.  ശിലകൾ കാലന്തരെ പൊട്ടിപ്പൊടിയുകയോ വിഘടിക്കുകയോ ചെയ്യുന്ന പ്രക്രിയകളെ………എന്ന് പറയുന്നു? അപക്ഷയം

38.  താപത്തിന്റെ ഏറ്റക്കുറച്ചിലുകൾ കാരണം ശിലകൾക്ക് വികാസവും സങ്കോചവും ഉണ്ടായി സംഭവിക്കുന്ന അപക്ഷയമാണ്…….? ഭൗതിക അപക്ഷയം

39.  ഓക്സിജൻ, കാർബൺ ഡൈ ഓക്സൈഡ്, ജലം തുടങ്ങിയവ ശിലാധാതുക്കളുമായി രാസപ്രവർത്തനത്തിലേർപ്പെട്ടുണ്ടാകുന്ന അപക്ഷയം?  രാസിക അപക്ഷയം

40.  സസ്യങ്ങളുടെ വേരുകൾ, ചെറുജീവികളുടെ മാളമുണ്ടാക്കൽ, സസ്യജന്തു അവശിഷ്ടങ്ങളുടെ ജീർണ്ണത, ഖനനം, പാറപൊട്ടിക്കൽ തുടങ്ങിയവയാൽ ഉണ്ടാകുന്ന അപക്ഷയം? ജൈവിക അപക്ഷയം

41.  അപക്ഷയ പ്രക്സിയയിലൂടെ ശിലകൾ പൊടിഞ്ഞും ജൈവാവശിഷ്ടങ്ങൾ ജീർണ്ണിച്ചും ഉണ്ടാകുന്നതാണ്……..? മണ്ണ്

42.  പരുത്തി കൃഷിയ്ക്ക് അനുയോജ്യമായ മൺൻ? കരിമണ്ണ്

43.  കേരളത്തിൽ പൊതുവെ കാണപ്പെടുന്ന പ്രധാൻ മണ്ണിനം? ചെങ്കൽ മണ്ണ്

44.  ഏറ്റവും ഫലഭൂയിഷ്ഠമായ മണ്ണ്? എക്കൽ മണ്ണ്

45.  ലോകമണ്ണ് ദിനം? ഡിസംബർ 15

46.  ഇന്ത്യയിലെ റിഗർ മൺ എന്നറിയപ്പെടുന്നത്? കറുത്ത പരുത്തിമണ്ണ്

47.  ഇന്ത്യയിൽ പരുത്തികൃഷ്യ്ക്ക് അനുയോജ്യമായ മേഖല? ഡക്കാൺ ഡ്രാപ്പ്

48.  മണ്ണിനെകുറിച്ച് പഠനം നടത്തുന്ന ശാസ്ത്രശാഖ? പെഡോളജി

49.  ഭൂമിയെ വ്യത്യസ്തപാളികളായി തിരിച്ചിരികുന്നത് എന്ത് വിശകലനം ചെയ്താണ്? ഭൂകമ്പതരംഗങ്ങളെ

50.  അപക്ഷയത്തിന് കാരണമായ മനുഷ്യപ്രവർത്തനത്തിന് രണ്ട് ഉദാഹരണങ്ങൾ? ഖനനം, പാറപൊട്ടിക്കൽ

നദീതട സംസ്കാരങ്ങളിലൂടെ

ചരിത്രം

(എട്ടാം സ്റ്റാൻഡാർഡിലെ  നദീതട സംസ്കാരങ്ങളിലൂടെ എന്ന പാഠഭാഗത്തെ ആസ്പദമാക്കി തയ്യാറാക്കിയ ചോദ്യോത്തരങ്ങൾ)

1.'ചരിത്രം സ്വയം നിർമ്മിക്കുന്നു’, ‘ചരിത്രത്തിൽ എന്ത് സംഭവിച്ചു’ എന്നീ ഗ്രന്ഥങ്ങൾ എഴുതിയ ആസ്ട്രേലിയൻ പുരാവസ്തു ഗവേഷകൻ?

വി. ഗോൾഡൻ ചൈൽഡ്

2. കേരളത്തിലെ ഒരു പ്രധാന നവീനശിലായുഗ  കേന്ദ്രമയിരുന്നു……….?

എടയ്ക്കൽ ഗുഹ

3. സിന്ധൂനദീതട സംസ്കാരത്തെക്കുറിച്ചുള്ള പഠനത്തിന് ആദ്യമായി ഉദ്ഖനനം നടന്ന വർഷം?

1921

3. 1921-ൽ സിന്ധു നദീതട സംസ്കാരത്തെക്കുറിച്ചുള്ള പഠനത്തിന് തുടക്കം കുറിച്ച ആർക്കിയോളജിക്കൽ സർവ്വേ ഓഫ് ഇന്ത്യയുടെ ഡയറക്ടർ?

സർ.ജോൺ മാർഷൽ

4. ഇന്ത്യയിൽ പുരാവസ്തു പഠനങ്ങൾക്ക് നേതൃത്വം നൽകുന്ന സ്ഥാപനം?

ആർക്കിയോളജിക്കൽ സർവ്വേ ഓഫ് ഇന്ത്യ

5. സിന്ധു നദീതട സംസ്കാരത്തെക്കുറിച്ച് പഠിക്കാൻ ആദ്യമായി ഉദ്ഖനനം നടന്ന സ്ഥലം ഏതായിരുന്നു? ആരുടെ നേതൃത്വത്തിൽ ആയിരുന്നു ഇത് നടന്നത്?  

(പാക്കിസ്ഥാനിലെ ഹാരപ്പയിൽ ദയാറാം സാഹ്‌നിയുടെ നേതൃത്വത്തിൽ  

6. സിന്ധു നദീതടസംസ്കാരപഠനാർത്ഥം പാക്കിസ്ഥാനിലെ മോഹൻജദാരോവിൽ നടന്ന ഉദ്ഖനന പ്രവർത്തനങ്ങൾക്ക് നേതൃത്വം നൽകിയതാര്?

ആർ.ഡി. ബാനർജി

7. സിന്ധു നദീതട സംസ്കാരത്തിന്റെ കാലഘട്ടമായി പൊതുവെ കണക്കാക്കുന്നത്………

ബി.സി.ഇ 2700 മുതൽ ബി.സി.ഇ 1700

8.ഇപ്പോൾ പാക്കിസ്ഥാനിൽ ഉൾപ്പെടുന്ന പ്രധാനപ്പെട്ട സിന്ധു നദീതട സംസ്കാര കേന്ദ്രങ്ങൾ?

ഹാരപ്പ, മോഹൻ ജദാരോ, സുത്കാജൻദോർ.

9. ഇപ്പോൾ ഇന്ത്യയിൽ ഉൾപ്പെടുന്ന പ്രധാനപ്പെട്ട സിന്ധു നദീതട സാംസ്കാരിക കേന്ദ്രങ്ങൾ?

അലംഗിർപൂർ, ബനവാലി, കാലിബംഗൻ, ലോഥാൽ, റംഗ്പൂർ, ധോളവീര

10. ഇപ്പോൾ അഫ്ഗാനിസ്ഥാനിൽ ഉൾപ്പെടുന്ന പ്രധാനപ്പെട്ട ഒരു സിന്ധു നദീതട സംസ്കാര കേന്ദ്രം?

ഷോർട്ടുഗായ്

11. സിന്ധൂനദീതട സംസ്കാര കാലത്ത് നിലനിന്ന ‘ഗ്രേറ്റ് ബാത്ത്’ (ബൃഹദ്സ്നാനഘട്ടം) ഏത് സ്ഥലത്തായിരുന്നു?

മോഹൻ‌ജദാരോ

12. മെസപ്പൊട്ടോമിയയിൽ നിന്ന് ലഭിച്ച ശിലാ ലിഖിതങ്ങളിൽ പറയുന്ന ഏത് സ്ഥലമാണ് ഹാരപ്പയെന്ന് ചരിത്രകാരൻമാർ കരുതുന്നത്?

മെലൂഹ

13. ലോഹങ്ങളുടെ ഉപയോഗവുമായി ബന്ധപ്പെടുത്തി ഹാരപ്പൻ സംസ്കാരം അറിയപ്പെട്ടിരുന്നത്….

വെങ്കലയുഗ സംസ്കാരം

14. പൊതുവെ വെങ്കലയുഗ സംസ്കാരങ്ങൾ എന്നറിയപ്പെട്ടിരുന്ന പുരാതൻ സംസ്കാരങ്ങളായിരുന്നു…..

ഹാരപ്പൻ, മെസപ്പൊട്ടോമിയൻ, ഈജിപ്ഷ്യൻ, ചൈനീസ്

15. ഈജിപ്റ്റിലെ മമ്മികളെയും പിരമിഡുകളെയും കുറിച്ച് പഠനം നടത്തിയ പുരാവസ്തു ശാസ്ത്രജ്ഞൻ?

ഹൊവാർഡ് കാർട്ടർ

16. മമ്മിയുടെ രൂപത്തിൽ പുരാവസ്തു ഗവേഷകർ കണ്ടെത്തിയ പുരാതന ഈജിപ്റ്റിലെ ഒരു രാജാവായിരുന്നു………?

തൂത്തൻ ഖാമൻ

17. പുരാതന ഈജിപ്റ്റിലെ രാജാക്കന്മാർ അറിയപ്പെട്ടിരുന്നത്?

ഫറവോമാർ

18. നൈൽ നദിയുടെ തീരത്ത് രൂപം കൊണ്ട പുരാതന സംസ്കാരം?

ഈജിപ്ഷ്യൻ സംസ്കാരം

19. നൈലിന്റെ ദാനം എന്നറിയപ്പെടുന്ന രാജ്യം?

ഈജ്പിറ്റ്

20. പ്രാചീന ഈജിപ്ഷ്യൻ ജനതയുടെ എഴുത്ത് വിദ്യയായിരുന്നു……..

ഹൈറോഗ്ലിഫിക്സ്

21. ‘വിശുദ്ധമായ എഴുത്ത്’ എന്നറിയപ്പെട്ടിരുന്ന പുരാതന ഈജിപ്റ്റിലെ ലിപി?

ഹൈറീഗ്ലിഫിക്സ്

22. പാപ്പിറസ് ചെടിയുടെ ഇലകൾ ഉപയോഗിച്ച് പുരാതൻ ഈജിപ്റ്റുകാർ എഴുതിയിരുന്ന ലിപി?

ഹൈറോഗ്ലിഫിക്സ്

23. പുരാതന ഈജിപ്റ്റിലെ ലിപിയായിരുന്ന ഹൈറോഗ്ലിഫിക്സ് ആദ്യമായി വായിച്ച ഫ്രഞ്ച് പണ്ഠിതൻ?

ഷംപോലിയോ

24. ഇന്നത്തെ ഇറാക്ക് പ്രദേശത്ത് പുരാതന കാലത്ത് നില നിന്നിരുന്ന നദീതടസംസ്കാരം?

മെസൊപ്പൊട്ടോമിയൻ

25. യൂഫ്രട്ടീസ്-ടൈഗ്രീസ് നദികളൂടെ തീരത്ത് രൂപമെടുത്തിരുന്ന പുരാതന സംസ്കാരം?

മെസൊപ്പൊട്ടോമിയ

26. രണ്ട് നദികൾക്കിടയിലുള്ള പ്രദേശം എന്നറിയപ്പെട്ടിരുന്ന പുരാതന നദീതട സംസ്കാരം?

മെസൊപ്പൊട്ടോമിയ

27. മെസൊപ്പൊട്ടോമിയയിൽ നിലനിന്നിരുന്ന നാല് വ്യത്യസ്ത സംസ്കാരങ്ങൾ?

സുമേറിയൻ, ബാബിലോണിയൻ, അസീറിയൻ, കാൽഡിയൻ

28. പ്രാചീന മെസൊപ്പൊട്ടോമിയയിലെ പ്രധാന നഗരങ്ങളായിരുന്നു……….

ഉർ, ഉറുക്ക്, ലഗാഷ്

29. പുരാതന മെസൊപ്പൊട്ടോമിയയിലെ എഴുത്ത് വിദ്യയായിരുന്നു……..

ക്യൂണിഫോം

30. ആപ്പിന്റെ ആകൃതിയിലുള്ള ലിപി സമ്പ്രദായം നിലനിന്നിരുന്ന പുരാതന സംസ്കാരം?

മെസൊപ്പോട്ടോമിയ (ക്യൂണിഫോം)

31. പ്രാചീന മെസൊപ്പൊട്ടോമിയൻ ജനതയുടെ നിർമ്മാണ വൈദഗ്ദ്ധ്യത്തിന് തെളിവായ ആരാധനാലയങ്ങൾ അറിയപ്പെടുന്നത്………

സിഗുറാത്തുകൾ

32. ഹൊയാങ്ങ്‌ഹോ നദീതടത്തിൽ രൂപപ്പെട്ടിരുന്ന പ്രാചീന സംസ്കാരം?

ചൈനീസ് സംസ്കാരം

33. ഇന്ത്യയിലെ പ്രാചീന ശിലായുഗ കേന്ദ്രങ്ങളിൽ പ്രധാനപ്പെട്ട ഒരു സ്ഥലമാണ് മധ്യപ്രദേശിലെ………

ഭിംബേഡ്ക്ക

34.മധ്യശിലായുഗത്തിൽ വംശ നാശം സംഭവിച്ചതും ഇപ്പോൾ ശാസ്ത്രലോകം ക്ലോണിംഗിലൂടെ പുനരുജ്ജീവിപ്പിക്കാൻ ശ്രമിക്കുന്നതുമായ ആന വർഗ്ഗത്തിൽപ്പെട്ട ജീവി?

മാമത്ത്

35. ഇന്ത്യയിൽ മധ്യ ശിലായുഗ അവശിഷ്ടങ്ങൾ കണ്ടെത്തിയ പ്രദേശങ്ങൾ?

ബാഗൊർ (രാജസ്ഥാൻ), ആദംഗഡ് (മധ്യപ്രദേശ്)

36. പുരാതന മനുഷ്യൻ കൃഷി ആരംഭിച്ച കാലഘട്ടം?

നവീനശിലായുഗം

57. നവീന ശിലായുഗത്തിലെ മനുഷ്യ ജിവിതത്തെക്കുറിച്ച് തെളിവ് ലഭിക്കുന്ന പ്രധാന സ്ഥലങ്ങളിലൊന്നാണ് വടക്കൻ ഇറാക്കിലെ…….

ജാർമൊ

58. നവീന ശിലാ യുഗത്തിലെ മനുഷ്യർ കൈവരിച്ച സാങ്കേതിക പുരോഗതിയ്ക്ക് ഉദാഹരണമാണ്…….ലെ തടാക ഗ്രാമങ്ങൾ

സിറ്റ്സർലണ്ടിലെ

59.ശിലായുഗത്തിൽ നിന്ന് ലോഹയുഗത്തിലേയ്ക്കുള്ള മാറ്റത്തിന്റെ കാലമായിരുന്നു…….

താമ്രശിലായുഗം (ചെമ്പ്-താമ്രം)

60. നവീന ശിലാ യുഗത്തിലെയും താമ്രശിലാ യുഗത്തിലെയും മനുഷ്യ ജീവിതത്തെക്കുറിച്ചുള്ള തെളിവുകൾ ലഭിച്ചിട്ടുള്ള പ്രധാന കേന്ദ്രമായിരുന്നു തുർക്കിയിലെ…….

ചാതൽഹൊയുക്ക്

61. ഇന്ത്യൻ ഉപഭൂഖണ്ഡത്തിലെ പ്രധാന താമ്ര ശിലാ യുഗ കേന്ദ്രമാണ് ബലൂചിസ്ഥാനിലെ …….

മെഹർഗുഡ്

62. നവീന ശിലാ യുഗ അവശിഷ്ടങ്ങൾ കണ്ടെത്തിയ പാലസ്തീനിലെ ഒരു സ്ഥലം….?

ജെറീക്കോ

മഹാവിസ്ഫോടന സിദ്ധാന്തം

മഹാവിസ്ഫോടനം

പ്രപഞ്ചത്തിന്റെ ഉത്ഭവത്തെ പറ്റി പ്രതിപാദിക്കുന്ന ഒരു ശാസ്ത്ര സിദ്ധാന്തം ആണ് മഹാവിസ്ഫോടനം. പ്രപഞ്ചോല്പത്തി വിശദീകരിക്കാൻ ഇന്നു് പൊതുവിൽ അംഗീകരിക്കപ്പെട്ടിട്ടുള്ളതു് ഈ സിദ്ധാന്തമാണു്. മിക്കവാറും എല്ലാ പ്രപഞ്ചവിജ്ഞാന ശാസ്ത്രജ്ഞന്മാരും ഈ ശാസ്ത്ര സിദ്ധാന്തത്തെ അംഗീകരിച്ചിരിക്കുന്നു. ഉദ്ദേശം 1370 കോടി വർഷങ്ങൾ‍ക്ക് മുൻപ് നടന്ന ഒരു ഉഗ്ര സ്ഫോടനം വഴിയാണ്‌ ഈ പ്രപഞ്ചം ഉടലെടുത്തത് എന്നാണ്‌ ഈ ശാസ്ത്ര സിദ്ധാന്തത്തിന്റെ കാതൽ.

1920കളിൽ ബെൽജിയൻ ശാസ്ത്രജ്ഞനായ ഷോർഷ് ലിമൈത്ര് \eng(Georges Lemaitre) \mal ആണു് ഒരു സ്ഫോടനത്തിലൂടെയാണു് പ്രപഞ്ചം ഉണ്ടായതു് എന്ന ആശയം ആദ്യമായി അവതരിപ്പിച്ചതു്. ഇതിനെ കളിയാക്കിക്കൊണ്ടു് ഫ്രെഡ് ഹോയ്ൽ നൽകിയ പേരാണു് പിൽക്കാലത്തു് പ്രശസ്തമായിത്തീർന്ന `ബിഗ് ബാങ്ങ്' അഥവാ മഹാവിസ്ഫോടനം എന്നതു്. കൂടുതൽ ദൂരത്തിലുള്ള നക്ഷത്രസമൂഹങ്ങളുടെ ചുവപ്പുനീക്കംകൂടുതലാണു് എന്നു് 1929ൽ എഡ്വിൻ ഹബ്ൾ കണ്ടെത്തിയതോടെ നമ്മിൽ നിന്നുള്ള ദൂരവും നമ്മിൽനിന്നു് അവ അകന്നു പോകുന്നതിന്റെ വേഗതയും ബന്ധപ്പെട്ടിരിക്കയാണു് എന്നു മനസിലായി. അങ്ങനെയെങ്കിൽ പണ്ടു് നക്ഷത്രസമൂഹങ്ങളെല്ലാം ഒരുമിച്ചു ചേർന്നിരുന്നിരിക്കണമല്ലോ. ഈ ആശയത്തിൽ നിന്നാണു് മഹാവിസ്ഫോടന സിദ്ധാന്തം ആരംഭിക്കുന്നതു്.

ചരിത്രം

തുടക്കവും ഒടുക്കവും ഇല്ലാത്ത പ്രപഞ്ചത്തെപ്പറ്റി പ്രാചീനകാലത്തു തന്നെ അരിസ്റ്റോട്ടിൽ ഉൾപ്പെടെ പലരും ചിന്തിച്ചിരുന്നു. എന്നാൽ ജൂത, ക്രിസ്ത്യൻ, മുസ്ലിം മതവിശ്വാസികൾക്കു് ഇതു് അംഗീകരിക്കാനാവില്ലായിരുന്നു. വീണ്ടും വീണ്ടും ഉണ്ടാകുകയും നശിക്കുകയും ചെയ്യുന്ന പ്രപഞ്ചം എന്ന ആശയം ആദ്യം സങ്കല്പിച്ചതു് ഹൈന്ദവ മതത്തിലായിരുന്നിരിക്കണം. പതിനെട്ടാം ശതകത്തിൽ ഇറാസ്മസ് ഡാർവിൻ ചാക്രികമായി വികസിക്കുകയും ചുരുങ്ങുകയും ചെയ്യുന്ന പ്രപഞ്ചം എന്ന ആശയം കൊണ്ടുവന്നു. ഒരു ബിന്ദുവിൽനിന്നു് തുടങ്ങുകയും വികസിച്ചു് ഒരു പരിധിയെത്തുമ്പോൾ ചുരുങ്ങിത്തുടങ്ങുകയും ഈ പ്രക്രിയ ആവർത്തിക്കുകയും ചെയ്യുന്ന പ്രപഞ്ചത്തെക്കുറിച്ചു് പത്തൊമ്പതാം നൂറ്റാണ്ടിൽ എഡ്ഗർ അലൻ പോ എഴുതിയിരുന്നു. എന്നാൽ ഇതു് ശാസ്ത്രീയമായിരുന്നു എന്നു് അദ്ദേഹം പോലും അവകാശപ്പെടുന്നില്ല.. എങ്കിലും ഇതെല്ലാം ഒരുപക്ഷേ മഹാവിസ്ഫോടന സിദ്ധാന്തം ഉണ്ടാകുന്നതിനു് സഹായിച്ചിരിക്കാം.

ആധുനിക കാലത്തു് പ്രപഞ്ചത്തിന്റെ വികാസവുമായി ബന്ധപ്പെട്ട ആശയം ആദ്യം വരുന്നതു് ഗുരുത്വാകർഷണത്തെക്കുറിച്ചുള്ള ഐൻസ്റ്റൈന്റെ സിദ്ധാന്തത്തോടെ ആണെന്നു പറയാം. സിദ്ധാന്തം ഗണിതശാസ്ത്രപരമായി വിശകലനം ചെയ്തു വന്നപ്പോൾ പ്രപഞ്ചം ഒന്നുകിൽ വികസിച്ചുകൊണ്ടിരിക്കുന്നതോ അല്ലെങ്കിൽ ചുരുങ്ങിക്കൊണ്ടിരിക്കുന്നതോ ആവാനേ കഴിയൂ എന്നു മനസിലായി. പക്ഷേ ഐൻസ്റ്റൈനു് ഇതു് സ്വീകാര്യമായിരുന്നില്ല. പ്രപഞ്ചം സ്ഥിരതയുള്ളതായിരിക്കണം എന്നു് അദ്ദേഹം വിശ്വസിച്ചു. അതിനായി സിദ്ധാന്തത്തിൽ ഒരു പുതിയ അചരം അദ്ദേഹം ചേർത്തു. പ്രപഞ്ചവിജ്ഞാനീയ അചരം \eng(cosmological constant) \mal എന്നാണു് ഇതു് അറിയപ്പെട്ടതു്. എന്നാൽ ഇതു് ശരിയല്ല എന്നു് പിന്നീടു് അദ്ദേഹത്തിനു് തന്നെ തോന്നുകയും ആ ആശയം ഉപേക്ഷിക്കുകയും ചെയ്തു. ഈ അചരം ഉൾപ്പെടുത്താതെ ഐൻസ്റ്റൈന്റെ സമവാക്യങ്ങളുപയോഗിച്ചു് പ്രപഞ്ചത്തേക്കുറിച്ചു് പഠിച്ച ആദ്യത്തെ ശാസ്ത്രജ്ഞൻ അലക്സാണ്ടർ ഫ്രീഡമൻ \eng(Alexander Friedmann) \mal ആണെന്നു പറയാം. അദ്ദേഹത്തിന്റെ പ്രബന്ധം 1924ൽ ബർലിൻ അക്കാദമി പ്രസിദ്ധീകരിച്ചു.

1927ൽ ലിമൈത്ര് വികസിച്ചുകൊണ്ടിരിക്കുന്ന പ്രപഞ്ചത്തെക്കുറിച്ചുള്ള തന്റെ സിദ്ധാന്തം കൊണ്ടുവരികയും അകലത്തുള്ള ചില ഖഗോള വസ്തുക്കളിൽ കണ്ട റെഡ് ഷിഫ്റ്റ് വിശദീകരിക്കുകയും ചെയ്തു. എല്ലാ ദിക്കുകളിലും കാണുന്ന നക്ഷത്രസമൂഹങ്ങൾ ഭൂമിയിൽനിന്നു് അകന്നുകൊണ്ടിരിക്കയാണു് എന്നു് 1929ൽ എഡ്വിൻ ഹബ്ൾ കണ്ടെത്തിയതു് ലിമൈത്രിന്റെ സിദ്ധാന്തത്തിനു് പിൻബലം നൽകി. പ്രപഞ്ചം ഒരു വിസ്ഫോടനത്തിൽ നിന്നാണു് ആരംഭിച്ചതു് എന്ന ആശയം ഇതേത്തുടർന്നാണു് 1931ൽ ലിമൈത്ര് മുന്നോട്ടു വയ്ക്കുന്നതു്. 1949 മാർച്ചിൽ ബി.ബി.സിയിലെ ഒരു പരിപാടിയിലാണു് ഈ ആശയത്തെ കളിയാക്കിക്കൊണ്ടു് അതിനെ `ബിഗ് ബാംഗ്' എന്നു് ഫ്രെഡ് ഹോയ്ൽ വിളിയ്ക്കുന്നതു്.

മഹാവിസ്ഫോടന സിദ്ധാന്തത്തിനു് ബദലായി ഫ്രെഡ് ഹോയ്ൽ, തോമസ് ഗോൾഡ്, ഹെർമ്മൻ ബോണ്ടി എന്നിവർ ചേർന്നു് 1948ൽ വികസിപ്പിച്ചതാണു് സ്ഥിരസ്ഥിതി സിദ്ധാന്തം. എന്നാൽ നിരീക്ഷണങ്ങളിൽ നിന്നു് ലഭിച്ച തെളിവുകൾ കൂടുതലും മഹാവിസ്ഫോടന സിദ്ധാന്തത്തെ അനുകൂലിക്കുന്നതായിരുന്നു. കൂടാതെ, ജോർജ്ജ് ഗാമോവ് (George Gamow) എന്ന ശാസ്ത്രജ്ഞന്റെ കരിശ്മയും ആ സിദ്ധാന്തത്തിനു് ശക്തിയേകി. അദ്ദേഹം ലിമൈത്രിന്റെ സിദ്ധാന്തം കൂടുതൽ വികസിപ്പിക്കുകയും അദ്ദേഹത്തിന്റെ കൂട്ടാളികളായ റാൽഫ് ആൽഫറും (Ralph Alpher) ഹാൻസ് ബെതെയും (Hans Bethe) ചേർന്നു് പരഭാഗവികിരണത്തിന്റെ ഉത്ഭവം വിശദീകരിക്കുകയും ചെയ്തതു് സ്ഥിരസ്ഥിതി സിദ്ധാന്തം മിക്കവരും ഉപേക്ഷിക്കുന്നതിനു് ഇടയാക്കി. (ആൽഫർ, ബെതെ, ഗാമോവ് എന്നിവർ ചേർന്നു് വികസിപ്പിച്ചെടുത്തതു് ആയതിനാൽ ഇതു് `ആൽഫ ബീറ്റ ഗാമ സിദ്ധാന്തം' എന്ന പേരിൽ അറിയപ്പെട്ടിരുന്നു.) എന്നാൽ പ്രപഞ്ചം വികസിക്കുന്നതിന്റെ വേഗത വർദ്ധിച്ചുകൊണ്ടിരിക്കയാണു് എന്നു് അടുത്തകാലത്തു് കണ്ടുപിടിച്ചതു് പല ചോദ്യങ്ങളും ഉയർത്തിയിട്ടുണ്ടു്.

വിസ്ഫോടനത്തിനു ശേഷം

മഹാവിസ്ഫോടനത്തിനു ശേഷം എന്തെല്ലാം സംഭവിച്ചു എന്നു് ഏകദേശമായി മനസിലാക്കാൻ നമുക്കു് കഴിഞ്ഞിട്ടുണ്ടു്. ഏതാണ്ടു് 1100 കോടി വർഷം മുമ്പായിരിക്കണം വിസ്ഫോടനം സംഭവിച്ചതു്. അതിനു മുമ്പ് ഒന്നുമില്ലായിരുന്നു. ഭൂമിയില്ല, നക്ഷത്രങ്ങളില്ല, ബഹിരാകാശമില്ല. ശൂന്യത എന്നു പോലും പറയാനാവില്ല, കാരണം ശൂന്യമാവാൻ ഒരു സ്ഥലമെങ്കിലും വേണ്ടേ. സ്ഥലമില്ല, വായുവില്ല, ശബ്ദമില്ല. ഈ ഒന്നുമില്ലാത്ത അവസ്ഥയിൽ ഒരു വിസ്ഫോടനം. അത് ക്വാണ്ടം ബലതന്ത്രപരമായ ഒരു സാധ്യത മാത്രമാണു്. സാധാരണ ഭാഷയിൽ അതു് വിശദീകരിക്കാൻ എളുപ്പമല്ല. പക്ഷേ പ്രപഞ്ചോൽപ്പത്തി പോലുള്ള കാര്യങ്ങൾ നമ്മുടെ ദൈനംദിന അനുഭവങ്ങളുടെ അടിസ്ഥാനത്തിൽ മനസിലാക്കാനാകും എന്നു് പ്രതീക്ഷിക്കരുതു് എന്നു് ശാസ്ത്രജ്ഞർ ഓർമ്മിപ്പിക്കുന്നു.

സ്ഫോടനസമയത്ത് ഊഷ്മാവ് വളരെ ഉയർന്നതായിരുന്നിരിക്കണം -- ഏതാണ്ടു് 10³⁵ ഡിഗ്രി സെൽഷ്യസ്. ആ സ്ഫോടനത്തിൽ നിന്ന് പ്രവഹിച്ചത് ഊർജ്ജവികിരണമായിരുന്നു. അതിൽ നിന്നാണു നാമിന്നു കാണുന്ന എല്ലാ വസ്തുക്കളും ഉണ്ടായത്. ഐൻസ്റ്റൈന്റെ പ്രശസ്തമായ സമവാക്യം പറയുന്നതു് ഊർജ്ജം പദാർത്ഥമായും മറിച്ചും മാറാമെന്നാണല്ലോ. അനന്തമെന്നു പറയാവുന്നത്ര ഊർജ്ജം പ്രവഹിക്കുന്നതനുസരിച്ച് പ്രപഞ്ചം വികസിച്ചു.

 

പ്ലാങ്ക് സമയം

10^-43 സെക്കന്റ് സമയത്തിനു് പ്ലാങ്ക് സമയം (Planck time) എന്നു പറയുന്നു. വിസ്ഫോടനം ആരംഭിച്ച് ഇത്രയും സമയം കഴിയുന്നതു വരെ എന്തു സംഭവിച്ചിരിക്കാം എന്നത് വ്യക്തമല്ല. ഭൌതികശാസ്ത്രത്തിലെ ഗുരുത്വാകർണബലം, വിദ്യുത്കാന്തബലം, തുടങ്ങിയ നാലു പ്രാഥമിക ബലങ്ങൾ ആ സമയത്ത് വ്യത്യസ്തമായി നിലനിന്നിരിക്കാൻ സാദ്ധ്യതയില്ല എന്നാണു വിശ്വസിക്കുന്നത്. ഇതെല്ലാം ചേർന്നു് ഒരൊറ്റ ബലമായിട്ടായിരിക്കണം സ്ഥിതിചെയ്തിരുന്നതു്. മേല്പറഞ്ഞ പ്ലാങ്ക് സമയത്തിനു ശേഷം സംഭവിച്ചിരിക്കാവുന്ന കാര്യങ്ങൾ എന്തെല്ലാമാവാം എന്ന് ഏകദേശമായെങ്കിലും നമുക്കറിയാം.

ഒരു പ്ലാങ്ക് സമയം കഴിഞ്ഞപ്പോൾ ഗുരുത്വാകർഷണ ബലം മാത്രം പ്രത്യേകമായി കാണപ്പെട്ടു തുടങ്ങിയിരിക്കണം. 10^-36 സെക്കണ്ടു് സമയം കഴിഞ്ഞായിരിക്കണം പരമാണു കേന്ദ്രത്തിലെ കണങ്ങളെ ഒരുമിച്ചു നിർത്തുന്ന ദൃഢബലം പ്രത്യക്ഷപ്പെട്ടത്. അപ്പോഴേക്ക് പ്രപഞ്ചം കുറേ തണുത്തിരിക്കണം -- ഏതാണ്ടു് 10²⁶ ഡിഗ്രി സെൽഷ്യസ് വരെ. ഇത്രവളരെ ഊർജ്ജം ഉൾ‍ക്കൊള്ളുന്ന പ്രപഞ്ചത്തിന്റെ അപ്പോഴത്തെ വലുപ്പം ഒരു പരമാണുവിന്റെ അത്രപോലും ഇല്ലായിരുന്നിരിക്കണം! ഈ അതിസൂക്ഷ്മ പ്രതിഭാസത്തിന്റെ വികസിത രൂപമത്രെ നാമിന്നു കാണുന്ന പ്രപഞ്ചം.

തുടർന്ന് പ്രപഞ്ചം കുറച്ചു സമയം കൊണ്ട് വളരെയധികം വികസിച്ചു എന്നാണു സിദ്ധാന്തങ്ങൾ സൂചിപ്പിക്കുന്നത്. ഏതാണ്ടു് 10^-31 സെക്കണ്ടു് കഴിഞ്ഞപ്പോഴേക്കും പ്രപഞ്ചത്തിന്റെ വലുപ്പം ഒരു ഓറഞ്ചിന്റെ അത്രയും ആയിട്ടുണ്ടാവണം. ഈ സമയത്ത് പ്രോട്ടോൺ, ന്യൂട്രോൺ തുടങ്ങിയവയുടെ ഘടകങ്ങളായ ക്വാർക്കുകൾ ഉണ്ടായിരിക്കണം. കൂടാതെ പ്രകാശത്തിന്റെ കണികയായ ഫോട്ടോണുകളും ധാരാളം ഉണ്ടായിട്ടുണ്ടാവണം. ഏതാണ്ട് ഒരു സെക്കന്റിന്റെ പത്തു ലക്ഷത്തിലൊന്നു സമയം വരെ ഈ പ്രക്രിയ തുടർന്നിരിക്കണം. അപ്പോഴേക്ക് പ്രപഞ്ചത്തിന്റെ ഊഷ്മാവ് അനേകകോടി മടങ്ങ് കുറഞ്ഞിരിക്കണം. ഏതാണ്ട് പത്തു ലക്ഷം കോടി ഡിഗ്രി വരെ. അതിനിടെ ഇന്നു നാം കാണുന്ന എല്ലാ തരം കണികകളും ഉത്ഭവിച്ചിരിക്കണം.

പ്രതികരണങ്ങളുടെ പ്രശ്നം 

ഇവിടെ ശാസ്ത്രത്തിനു വിശദീകരിക്കാനാകാത്ത ഒരു പ്രശ്നമുണ്ട്. ഇന്ന് പ്രതികണങ്ങൾ (antiparticles) നിലനിൽക്കുന്നതിന്റെ ലക്ഷണങ്ങളൊന്നും കാണുനില്ല. അതിന്റെ അർത്ഥം പ്രതികണങ്ങൾ സാധാരണ കണങ്ങളേക്കാൾ കുറവായിരുന്നു എന്നാവണം. കണങ്ങളും പ്രതികണങ്ങളും കൂടിച്ചേർന്നാൽ രണ്ടും നശിച്ച് ഊർജ്ജം മാത്രം അവശേഷിക്കും. അങ്ങനെ പരസ്പരം നശിപ്പിച്ച ശേഷം കണങ്ങൾ മാത്രം അവശേഷിക്കണമെങ്കിൽ തുടക്കത്തിൽ പ്രതികണങ്ങളേക്കാൾ കൂടുതലായിരിക്കണമല്ലോ കണങ്ങളുടെ എണ്ണം. ഇതെന്തുകൊണ്ട് സംഭവിച്ചു എന്നത് വ്യക്തമല്ല.

തുടർന്നുള്ള പരിണാമം താരതമ്യേന ലളിതമായി മനസിലാക്കാം. സ്ഫോടനത്തിന്റെ ഫലമായി തുടങ്ങിയ വികാസം തുടർന്നുകൊണ്ടേയിരുന്നു. ഇന്നും തുടരുന്നു. വികാസത്തിന്റെ ഫലമായി പ്രപഞ്ചം തണുത്തു. സ്ഫോടനം കഴിഞ്ഞ് നൂറു സെക്കന്റിനും മുന്നൂറു സെക്കന്റിനും ഇടയ്ക്ക് ഹൈഡ്രജൻ, ഹീലിയം എന്നീ മൂലകങ്ങൾ ഉണ്ടായി. മറ്റു മൂലകങ്ങളും ഉണ്ടായെങ്കിലും അവയുടെ അളവ് തീർത്തും നേരിയതായിരുന്നു. ഗുരുത്വാകർഷണബലം കാരണം പരമാണുക്കൾ പരസ്പരം ആകർഷിക്കുകയും അവ മേഘങ്ങളേപ്പോലെ ഒരുമിച്ചു കൂടുകയും ചെയ്തു. അനേകം ഹൈഡ്രജൻ പരമാണുക്കൾ ഒത്തുചേർന്ന് ചിലയിടങ്ങളിൽ സാന്ദ്രത വർദ്ധിച്ചപ്പോൾ ഗുരുത്വാകർഷണ ബലവും വർദ്ധിച്ചു. അങ്ങനെ നക്ഷത്രങ്ങളുണ്ടായി. നക്ഷത്രങ്ങളിലാണു ഭാരം കൂടിയ മൂലകങ്ങൾ ഉണ്ടായത്. സൂപ്പർനോവ പോലുള്ള നക്ഷത്ര വിസ്ഫോടനങ്ങളിലൂടെ ഈ മൂലകങ്ങൾ പുറത്തുവന്നു. ഇത്തരം മൂലകങ്ങളും കൂടിച്ചേർന്നാണു നമ്മുടെ സൗരയൂഥമുണ്ടായത്. ഒരുപക്ഷേ ഇതുപോലെ അനേകം സൗരയൂഥങ്ങൾ പ്രപഞ്ചത്തിലുണ്ടായിരിക്കാം.

മഹാവിസ്ഫോടനത്തോടെ തുടങ്ങിയ വികസനം പ്രപഞ്ചം ഇപ്പൊഴും തുടരുന്നു എന്നതിനു് ധാരാളം തെളിവുകൾ ലഭിച്ചിട്ടുണ്ടു്. പ്രപഞ്ചത്തിലുള്ള ദ്രവ്യത്തിന്റെ ഗുരുത്വാകർഷണം മൂലം ഈ വികാസത്തിന്റെ വേഗത കുറഞ്ഞു വരികയും ഒടുവിൽ നിലയ്ക്കുകയും ചെയ്യും എന്നു് കരുതിയിരുന്നു. വികാസം നിലച്ചാൽ ഗുരുത്വാകർഷണം മൂലം നക്ഷത്രസമൂഹങ്ങളെല്ലാം കൂടിച്ചേരുകയും ഒരുപക്ഷേ വീണ്ടുമൊരു മഹാവിസ്ഫോടനത്തിൽ കലാശിക്കുകയും ചെയ്യാം എന്നാണു് ചില ശാസ്ത്രജ്ഞരെങ്കിലും കരുതിയിരുന്നതു്. എന്നാൽ പ്രപഞ്ചം വികസിക്കുന്നതിന്റെ വേഗത കൂടിക്കൊണ്ടിരിക്കുകയാണു് എന്ന കണ്ടെത്തൽ ഈ വിശ്വാസത്തിനെ തകിടം മറിക്കാൻ സാദ്ധ്യതയുണ്ടു്. പ്രപഞ്ചത്തെക്കുറിച്ചുള്ള നമ്മുടെ ധാരണകൾ മാറ്റേണ്ട കാലമായി എന്നതിനുള്ള സൂചനയായിരിക്കാം ഇതു്.

മഹാവിസ്ഫോടനത്തിനുമുൻപ് എന്ത് എന്ന ചോദ്യം ശാസ്ത്രജ്ഞൻമാരെ കുഴയ്ക്കുന്ന ഒരു പ്രഹേളികയാണ്. പരക്കെ അംഗീകരിക്കപ്പെട്ടിട്ടുള്ള ഒരു തത്ത്വം പ്രപഞ്ചം ചുരുങ്ങി അതിഗാഢമായ ഒരു ബിന്ദുവിൽ വരികയും പിന്നീട് പൊട്ടിത്തെറിക്കുകയും വീണ്ടും വികസിച്ച് ഒരു അളവ് കഴിയുമ്പോൾ വീണ്ടും ചുരുങ്ങിത്തുടങ്ങുകയും ചെയ്യുന്നു എന്നതാണ്. ഒരു സ്പ്രിങ്ങിന്റെ ആന്ദോളനത്തോട് ഈ പ്രാപഞ്ചിക ചലനം ഉപമിക്കാം.

സാധാരണക്കാർക്ക് മനസ്സിലാകുന്ന രീതിയിൽ മഹാവിസ്ഫോടന സിദ്ധാന്തവും മറ്റ് ജ്യോതിശാസ്ത്ര സിദ്ധാന്തങ്ങളും സ്റ്റീഫൻ ഹോക്കിങ് എന്ന ശാസ്ത്രജ്ഞൻ തന്റെ എ ബ്രീഫ് ഹിസ്റ്ററി ഓഫ് ടൈം എന്ന പുസ്തകത്തിൽ വിവരിക്കുന്നു.

(വിക്കിപീഡിയയി നിന്നും പ്ലസ് വൺ വിദ്യാർത്ഥികൾക്കായി കോപ്പി-പേസ്റ്റ് ചെയ്തത്.)